Búnaðarstaðlar

 

Samkvæmt reglugerð nr. 1170/2015, um fiskeldi, skal allur sjókvíaeldisbúnaður nú vera samkvæmt hinum norska staðli, NS-9415:2009.  Er útgáfa nýrra rekstrarleyfa nú bundin þessu skilyrði og er um þetta fjallað í kafla V. reglugerðarinnar.  Hafa íslensk stjórnvöld sýnt mikla ábyrgð í því að innleiða svo kröfuharðan búnaðarstaðal til sjókvíaeldis sem raun ber vitni.  Með innleiðingu hans er stigið stórt skref í þá átt að lágmarka hættu á óhöppum við sjókvíaeldi á Íslandi.  Fiskeldismenn hafa mikinn og beinan hag af því að öryggismál séu í öndvegi höfð og fara því  að sjálfsögðu í einu og öllu eftir hinum nýja staðli.